විදුහල්පති පණිවිඩය

 විදුහලක් ඇරඹීම සිරගෙයක් වසා දැමීමකැයි යන කියමන සනාථ කරනු වස් ගැටමාන්න ප්‍ර දේශයට අධ්‍යාපන නවෝදයක් උදා කිරීමේ පරම අභිලාශයෙන් 1915 ජනවාරි මස 18 වැනි      දින ඇරඹි ගැටමාන්න මිශ්‍ර පාඨශාලාව අද හ/ගැටමාන්න දකුණ මහා විද්‍යාලය නම් වේ. එවක් පටන් අද දක්වා පෞරාණික මහා රුකක් පෝෂණය කරන්නාක් මෙන් වරින් වර පැමිණි විදුහල්පතිවරුන් විවිධ පරිශ්‍රමයන් දරා ඇති බව වසර 107 ක අතීතයට ගමන් කිරීමෙන් පැහැදිලි කර ගත හැක.අනාගතය විනිවිද දැකීම පුරුද්දක් කර ගත් මම ගුරුවරුන් දරුවන් මෙන්ම ප්‍රජාවද මාගේ ශක්තියේ හස්තයක් කොට ගනිමින් පාසලේ අභිවෘද්ධියට මට හැකි උපරිම ශක්තිය යොදන බව කියන්නට කැමැත්තෙමි.අතීතයත් වර්තමානයත් අනාගතයත් එකට එක්කොට කීර්තිමත් පාසලක් ගොඩනැගීම මාගේ පරම අභිලාශයි. ඒ වෙනුවෙන් එදා මෙන් අදත් මම සමස්ත පාසල් ප්‍රජාවට ඉතා හෘදයාංගමව දෑත් දිගු කරමි

 

විදුහල්පති,

හ/ගැටමාන්න දකුණ මහා විද්‍යාලය